सरकार र केसी प्रतिनिधिबीचको वार्ता स्थगित, ४ बजे फेरि बस्ने
मकवानपुर । सरकार र डा गोविन्द केसी प्रतिनिधिबीचको वार्ता स्थगित भएको छ ।
अनसनरत डाक्टर केसीको माग सम्बोधन गर्न बिहानैदेखि शिक्षा मन्त्रालयमा वार्ता भएको थियो । २ बजेसम्म चलेको वार्ता सकारात्मक भएको र फेरि ४ बजे बस्ने गरी स्थगित भएको डा केसीको तर्फबाट वार्तामा सहभागी नेपाल चिकित्सक संघका अध्यक्ष डा लोचन कार्कीले बताए ।
यसअघि भएको वार्तामा डा केसीका मागका हरेक बुँदामा सुक्ष्म छलफल गरिएको कार्कीले बताए । उनले सकेसम्म वार्ता छिट्टै टुंग्याउन दुवै पक्षले कसरत गरिरहेको बताए ।
वार्ता स्थगित भएपछि वार्तामा भएको प्रगति जानकारी गराउन अनसनरत डा केसी रहेको त्रिवि शिक्षण अस्पताल जान लागेका छन् ।खबरहब डटकमबाट
