काभ्रेमा थपिए ४३ संक्रमित
मकवानपुर ।काभ्रेमा आज एकैदिन ४३ जना कोरोना संक्रमित थपिएका छन् । यससँगै जिल्लामा कूल संक्रमितको संख्या ९४० पुगेको छ ।
मंगलबार पनि ५६ जना थपिएका थिए । काभ्रेमा बुधबार पनि ५० जनामा कोरोना पुष्टि भएको थियो भने बिहीबार २३ जना संक्रमित थपिएका थिए ।
जस मध्ये ५८३ जना निको भएका छन् । जिल्लामा १३ जनाको कोरोना संक्रमणबाट मृत्यु भएको मध्ये ५ जना भने अन्य जिल्लाका रहेका छन् । काभ्रेका मात्र ८ जनाको मृत्यु भएको जिल्ला स्वास्थ्य कार्यालय प्रमुख नरेन्द्रकुमार झाले जानकारी दिए ।
उनका अनुसार थपिएका नयाँ संक्रमित मध्ये धुलिखेलका २४ जना, बनेपाका १६, पनौतीका २ र रोशी गाउँपालिकाका १ जना रहेका छन् । खबरहब डटकमबाट
