धरानमा थप ८६ जनामा संक्रमण पुष्टि
मकवानपुर । सनुसरीको धरानमा थप ८६ जनामा कोरोना संक्रमण पुष्टि भएको छ ।
आइतबार बीपी कोइराला स्वास्थ्य विज्ञान प्रतिष्ठानको हेल्प डेस्क र धरान उपमहानगरपालिकामार्फत स्वाब संकलन गरिएकामध्ये ८६ जनामा कोरोना संक्रमण पुष्टि भएको छ ।त्यसमध्ये ४ जना पुनः परीक्षण गरिएकाहरू हुन् ।
धरान उपमहानगरमार्फत ३५ जनाको स्वाब संकलन गरेर जाँच गर्दा १३ जनाको पोजेटिभ रिपोर्ट आएको स्वास्थ्य महाशाखाका प्रमुख उमेश मेहताले जानकारी दिए । अन्य भने बीपी प्रतिष्ठानमा स्वाब परीक्षण गरेकाहरू हुन् ।
१३ मध्ये ९ जना नयाँ संक्रमित हुन् भने ४ जना पूराना संक्रमित हुन् । पहिलो लटमा गरिएकाहरूको रिपोर्ट आएको हो । एन्फा एकेडेमीमा गरिएको रिपोर्ट भने हालसम्म आएको छैन ।
रिपोर्ट आएकामध्ये फेरि परीक्षण गरिएकामध्ये ४ जना अनुसन्धान कार्यालयका कर्मचारी रहेको मेहताले बताए ।
खबरहब डटकमबाट
