नाइन ए साइड फुटबलमा चुरियामाइ र कालीदेवी टोल विजयी
मकवानपुर । मकवानपुरको हेटौंडा उपमहानगरपालिका वडा नम्बर १४ मा जारी टोल विकास संस्था स्तरिय नाइन ए साइड फुटबल प्रतियोगिताको आजको खेलमा चुरियामाइ टोल विकास सस्था र कालीदेवी टोल विकास संस्था विजयी भएको छ ।
आज भएको पहिलो खेलमा चुरियामाइ टोल विकास संस्थाले गौरी टोल विकास संस्थालाइ ४-० गोल अन्तरले पराजित गर्यो । चुरियामाइका लागि खेलको २० औ मिनेटमा जर्सी नम्बर दस का खेलाडी सुजन गोलेले गोल गरे भने खेलको ३४ औ मिनेटमा विक्रम मोक्तानले गोल गर्दै टोलीलाइ २-० को अग्रता दिलाए । साथै खेलको ३६ औ मिनेटमा बिकल रुम्बाले गोल गर्दै टोलिलाइ ३-० को अग्रता दिलाए । खेलको ३९ औ मिनेटमा जर्सी नम्बर दस का खेलाडी शुजन गोलेले टोलि को लागि चौथो एवम् ब्यक्तिगत दोश्रो गोल गरेका थिए ।
प्रतियोगिता अन्तर्गत आजै भएको दोश्रो खेलमा आयोजक पञ्चबुद्ध टोल बिकास सस्थाको द्य टिमलाइ कालीदेवी टोल विकास संस्थाको टिमले २-० गोल अन्तरले पराजित गर्यो । कालिदेवी टोल विकास सस्थाको लागि जर्सी नम्बर ७ का खेलाडी सोनाम दोङले खेलको २३ औ र ३६ औ मिनेट मा गोल गरेका थिए ।
