हिदम लामाबाट सम्मानित भए साहित्यकार तुल्सी थापा
मकवानपुर । मकवानपुरका साहित्यकार तुल्सी थापा सम्मानित भएका छन् । मकवानपुर भैसेमा जन्मिएका साहित्यकार थापालाई स्थानीय श्रीकृष्ण माविले सम्मान गरेको हो ।
साहित्यकार तथा शिक्षासेवी थापाले चेपाङ समुदायको विकासमा योगदान दिएकाले सम्मान गरिएको जनाइएको छ ।
गाउँपालिका अध्यक्ष हिदम लामाले साहित्यकार थापालाई सम्मान गरका हुन् । भीमफेदी गाउँपालिका वडा नम्बर २, भैसेका अध्यक्ष काशिराम बज्युको अध्यक्षमा तथा पालिका अध्यक्ष लामाको प्रमुख आतिथ्यमा सम्मान कार्यक्रम भएको हो ।
यस्तै, ३८ बर्ष निरन्तर सेवा गर्ने शिक्षिका शोभा रञ्जितकार लाई दीर्घ सेवा सम्मान, भीमफेदी ४ का वडा अध्यक्ष क्षेत्रबहादुर पाण्डे, श्यामसुन्दर गोर्खाली, विद्यालयलाई सहयोग गर्ने व्यक्तित्व, रामचन्द्र आचार्य फुर्सती, डा. गणेश लामा लगायतलाई सम्मान तथा मायाको चिनो प्रदान गरिएको हो ।
