मनहरीमा बोलेरो गाडी दुर्घटना, चालकको घटनास्थलमै मृत्यु
मकवानपुर । मकवानपुरको मनहरीमा आज बुधबार विहान बोलेरो गाडी दुर्घटना हुँदा एक जनाको मृत्यु भएको छ । दुर्घटनामा एक जना गम्भीर घाइते भएका छन् ।
वीरगंजबाट मनहरीतर्फ जाँदै गरेको प्रदेश ३-०१-००२४ च १४३० नम्बरको कुखुरा बोकेको बलेरो गाडी मनहरी गाउँपालिका वडा नम्बर ९ ज्यामिरे स्थित पूर्व पश्चिम सडक खण्डमा दुर्घटनामा परेको हो ।
दुर्घटनामा बोलेरो चालकको घटनास्थलमै मृत्यु भएको प्रहरीले जनाएको छ । अन्दाजी २५-३० वर्षका मृतकको सनाखत हुन सकेको छैन । इलाका प्रहरी कार्यालय मनहरीका अनुसार बोलेरोमा सवार बारा जिल्ला महागढी नगरपालिका वडा नम्बर ४ का ३२ बर्षीय केदारनाथ थारु गम्भरि घाइते भएका हुन् ।
घाइते थारुको उपचारका लागि भरतपुर पठाइएको छ ।
प्रहरीका अनुसार बोलेरो गाडी सडकबाट अन्दाजी ७०/८० मिटर तल राप्ती खोलामा खसेको हो ।
प्रतिकृया
अन्य समाचार
सर्वाधिक रुचाइएको
