हेटौंडामा एमालेको बृहत मोटरसाईकल र्याली हुँदै
मकवानपुर । चितवनमा हुने नेकपा एमलेको १० औं महाधिवेशनको पूर्व सन्धायमा हेटौंडामा भोलि मंसिर ७ गते बृहत मोटर साईकल र्याली हुने भएको ।
महाधिवेशनको पूर्व सन्धायमा महाधिवेशनको प्रचार प्रसारको लागि उक्त मोटरसाईकल र्यालीको आयोजना गरिएको एमाले मकवानापुरका सचिव एवं र्याली व्यवस्थापन समितिका संयोजक एकलाल श्रेष्ठले जानकारी दिए ।
उनका अनुसार मोटरसाईकल र्याली भोलि दिउँसो १ बजे हेटौंडा ४ स्थित हुप्राचौरबाट सुरु हुने छ ।
‘बृहत मोटरसाईकल र्याली भोलि १ बजे हुप्रचौरबाट सुरु हुन्छ,हुप्रचौरबाट रातोमाटे पुग्नेछ । त्यहाँबाट पूर्व लागेर चिसापानी पुग्नेछ । चिसापानीबाट चौघोडा हुँदै सोनोपोखरा कान्तिराजपथ आउनेछ । सचिव श्रेष्ठले भने, त्यहाँबाट मानसचोक निस्कदै चौकीटोल हुँदै बुद्धचोक,राप्तीरोडबाट बाईपास हुँदै मेनरोडबाट सिमाचोकमा आईपुगेर कोणसभामा परिणत हुनेछ ।’
सचिव श्रेष्ठले सम्पूर्ण नेता, कार्यकर्ता, समर्थक एवं शुभचिन्तकहरुलाई र्यालीमा सहभागि हुन अनुरोध गरेका छन् ।
