ट्याक्टर पल्टिँदा ५ जनाको मृत्यू
अछाम । अछाममा ट्याक्टर पल्टिँदा ५ जनाको घटनास्थलमै ज्यान गएको छ । अरु तीन जना घाइते भएका छन् ।
आज बिहान मेल्लेख गाउँपालिका १ मा भएको दुर्घटनामा वडा नम्बर ७ का स्थानीय ५५ वर्षका रंग धामी, ४५ वर्षका प्रेम धामी, ३७ वर्षका नरबहादुर धामी, १५ वर्षका जनक धामी र २१ वर्षका अर्का जनक धामीको ज्यान गएको प्रहरीले जनाएको छ ।
दुर्घटनामा घाइते भएका लालबहादुर धामी, हंश धामी र नाम नखुलेका एक जना बालकलाई उपचारको लागि बयलपाटा अस्पताल लगिएको छ ।
