नेपालमा कोरोनाले थप १४ जनाको मृत्यु
मकवानपुर । कोरोना भाइरस संक्रमणबाट नेपालमा आज (मंगलबार) २४ घन्टाभित्र थप १४ जनाको मृत्यु भएको छ ।
स्वास्थ्य तथा जनसंख्या मन्त्रालयले आज (मंगलबार) अपरान्ह सार्वजनिक गरेको रिर्पोट अनुसार नेपालमा कोरोनाले ज्यान गुमाउनेको संख्या ८७६ पुगेको छ ।
आज (मंगलबार) २४ घण्टामा नेपालमा थप ५ सय ७० जनामा कोरोना भाइरसको संक्रमण पुष्टि भएको छ । योसँगै कोरोना संक्रमितको संख्या १ लाख ६० हजार ४०० पुगेको छ ।
मन्त्रालयका अनुसार हालसम्म कोरोनाका सक्रिय संक्रमितको संख्या ४० हजार ६८१ रहेको छ ।
यसअघि हिजो (सोमबार) को तथ्यांकअनुसार नेपालमा कोरोना संक्रमितको संख्या १ लाख ५९ हजार ८३० थियो ।
पछिल्लो २४ घण्टामा थप ३१६८ जना कोरोना संक्रमणमुक्त भएका छन् । यो सँगै नेपालमा कोरोना संक्रमण भएर निको हुनेको संख्या हालसम्म १ लाख १८ हजार ८४३ पुगेको छ ।
उनीहरू देशका विभिन्न स्थानका अस्पतालबाट संक्रमणमुक्त भएको स्वास्थ्य तथा जनसंख्या मन्त्रालयले जानकारी दिएको हो ।
