पाइरेसीको मारमा पर्यो केकी र दीपकराजको ‘छ माया छपक्कै’
मकवानपुर । गतवर्ष प्रदर्शनमा आएको सुपरहिट फिल्म ‘छ माया छपक्कै’ पाइरेसी भएको छ । उक्त फिल्म युट्युबमा एक च्यानलबाट शनिवार अपलोड गरिएको हो ।
फिल्मलाई आधिकारिक रुपमा युट्युबमार्फत रिलिज गरिएको थिएन । फिल्मलाई केही समयअघि ‘चलचित्र एप’ मा रिलिज गरिएको थियो । साथै चलचित्र डिस होममा पनि रिलिज गरिएको छ ।
युट्युबमा फिल्म पाइरेसी भएपछि निर्माण टिमले कानुनी कारवाही खोज्ने तयारी थालेको छ । निर्माता रोहित अधिकारीका अनुसार पाइरेसी गर्ने व्यक्तिको खोजी भइरहेको जनाइएको छ ।
फिल्मको युट्युब राइट्स आमा अग्नी कुमारीसँग छ ।
दीपेन्द्र लामा निर्देशित यो फिल्ममा दीपकराज गिरी, केकी अधिकारी, जितु नेपाल, केदार घिमिरे लगायतका कलाकारको शीर्ष भूमिका छ । राजनीतिक विषय उठान गरेको फिल्मले रिलिजपछि राम्रो प्रतिक्रिया पाएको थियो ।
खबरहब डटकमबाट
प्रतिकृया
अन्य समाचार
सर्वाधिक रुचाइएको
