अमेरिकी राष्ट्रपतीय चुनावअघि नै करिव १० करोड गरे मतदान
मकवानपुर । अमेरिकामा अग्रिम झण्डै १० करोड मानिसले अग्रिम मतदान गरेका छन् ।
द न्यूयोर्क टाइम्सका अनुसार चुनावको एक दिनअघि(सोमबार) सम्म ९ करोड ७९ लाख भन्दा बढीले मतदान गरेका छन् ।
अमेरिकामा नोभेम्बर ३ अर्थात आज राष्ट्रपतिसहित सिनेट, हाउस अफ रिप्रिजेनटेटिभ, राज्यका सांसद् तथा गभर्नरसहितका लागि मतदान हुँदैछ ।
अहिलेसम्म ९ करोड ७९ लाख भन्दा बढि अमेरिकीले अग्रिम मतदान केन्द्रमा गएर वा हुलाक मार्फत मतदान गरिसकेका छन् । यो चार वर्ष पहिलेको चुनावमा खसेको खुल मतको ७१ प्रतिशतभन्दा बढी हो ।
आज हुने चुनावमा राष्ट्रपतिका लागि रिपब्लिकन पार्टीका तर्फबाट डोनाल्ड ट्रम्प तथा डेमोक्र्याटिक पार्टीका तर्फबाट जो बाइडेन प्रतिस्पर्धामा छन् ।
खबरहब डटकमबाट
