भारतीय सहयोगमा नवलपुरमा निर्मित विद्यालय भवन उद्घाटन
मकवानपुर । भारतीय सहयोगमा नवलपुरको देवचुली-७ मा निर्मित विद्यालय भवनको सोमबार उद्घाटन गरिएको छ ।
नेपाल-भारत मैत्री विकास सहकार्य कार्यक्रम अन्तर्गत नवलपुरमा निर्माण गरिएको भीमसेन आदर्श उच्च माध्यामिक विद्यालय भवनको भर्चुअल माध्यबाट उद्घाटन गरिएको हो ।
भवनको नेपालस्थित भारतीय दूतावास, जिल्ला समन्वय समिति नवलपुर, विद्यालय व्यवस्थापन समिति र स्थानीय प्रतिनिधिले संयुक्त रूपमा भिडियो क्नफरेन्समार्फत संयुक्तरूपमा उद्घाटन गरेका छन्।
२ करोड ५ लाख ८३ हजार रूपैयाँमा निर्मित भवनमा प्रयोगशाला, औषधि कक्षसहितका १६ कोठा छन् । सन् १९६९ मा स्थापना भएको भीमसेन आदर्शन विद्यालयमा कक्षा १२ सम्म अध्यापन हुँदै आएको छ ।खबरहब डटकमबाट
