आज सुनको मूल्य बढ्यो, कतिमा हुँदैछ कारोबार ?
मकवानपुर । नेपाली बजारमा मंगलबार छापावाल सुनको मूल्य प्रति तोला ९५ हजार ४ सय रुपैयाँ कायम भएको छ ।
अघिल्लो दिनको तुलनामा आज सुनको मूल्यमा ४ सय रुपैयाँको वृद्धि भएको हो । सोमबार छापावाल सुनको मूल्य प्रति तोला ९५ हजार रुपैयाँ कायम भएको थियो ।
यस्तै तेजाबी सुनको मूल्य प्रति तोला ९४ हजार ९ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
अघिल्लो दिन यस्तो सुन प्रति तोला ९४ हजार ५ सय रुपैयाँमा कारोबार भएको छ । महासंघका अनुसार, यस दिन चाँदी प्रति तोला १ हजार २ सय १० रुपैयाँ कायम भएको छ ।
अघिल्लो दिन चाँदीको मूल्य प्रति तोला १ हजार २ सय ५ रुपैयाँमा कायम भएको थियो ।खबरहब डटकमबाट
