काठमाडौंमा ग्लोबल उत्सव २०७७ हुने
मकवानपुर ।ग्लोबल उत्सव २०७७ काठमाडौंमा हुने भएको छ । ग्लोबल कलेज अफ म्यानेजमेन्टको आयोजनामा डिसेम्बर १२ देखि उत्सव हुन लागेको हो ।
‘एक महिने बिज्नेस फेस्टिबल हो । ए लेभलदेखि मास्टर्ससम्मका विद्यार्थीका ३० वटा इभेन्ट हुने छ,’ ग्लोबल उत्सव मूल समितिका संयोजक करण ठगुन्नाले भने, ‘पहिलो चरणमा इन्टरनेसनल कन्फ्रेन्स हुने छ । नेपाललगायत अन्य ६ वटा देशका प्रोफेसरहरूको सहभागिता रहने छ ।’
कन्फ्रेन्समा कोभिडका कारण अबको आर्थिक नीति कस्तो हुनुपर्छ भनेर छलफल हुने उनले बताए । ‘कोरोनाका काराण पहिलेजस्तो छैन । अबको आर्थिक नीति कस्तो हुनुपर्छ भनेर विज्ञहरूले आफ्नो कुरा राख्नुहुन्छ,’ उनले भने ।
ग्लोबल कलेज अफ म्यानेजमेन्टले प्रत्येक वर्ष कार्यक्रम गर्दै आएको छ । शिलापत्र डटकमबाट
