देशभर चिसो बढ्यो, जुम्लाको तापक्रम माइनसमा झर्यो
मकवानपुर । मुलुकभरको न्यूनतम तापक्रम घट्दै गएपछि चिसो बढ्न थालेको छ ।
आज बिहान काठमाण्डौको न्यूनतम तापक्रम ८.४ डिग्री सेल्सियसमा झरेको छ ।
बिहान साढे ६ बजे काठमाण्डौ उपत्यकाको न्यूनतम तापक्रम ८.४ डिग्री सेल्सियस मापन गरिएको मौसम पूर्वानुमान महाशाखाले जनाएको छ ।
जुम्लामा न्यूनतम तापक्रम माइनस १ डिग्री सेल्सियसमा झरेको छ । अरु ठाउँको न्यूनतम तापक्रम पनि क्रमिकरूपमा घट्दै गएको मौसमविद् वरूण पौडेलले जानकारी दिए ।
आज हिमाली भेगमा आंशिक बदली रहे पनि अन्यत्रको मौसम सफा रहने महाशाखाले जनाएको छ ।
खबरहब डटकमबाट
