मकवानपुरमा बुधबार ५१ जनामा संक्रमण
मकवानपुर । मकवानपुरमा बुधबार ५१ जनामा कोरोना संंक्रमण पुष्टि भएको छ । बुधबार विहान सार्वजनिक रिर्पोटमा २७ र साँझ सार्वजनिक गरिएको रिर्पोटमा २४ जनामा कोरोना संक्रमण पुष्टि भएको हो ।
दुई पटक सार्वजनिक गरिएको रिर्पोटमा ३२ जना पुरुष र १९ महिलालाई कोरोना संक्रमण पुष्टि भएको हेटौंडा उपमहानगरपालिकाका जनस्वास्थ्य निरिक्षक भोला चौलागाईंले जानकारी दिए ।
कार्तिक २६ गते संकलन गरिएको स्वाबको हेटौंडा-१० मा रहेको किटजन्य रोग तथा तालिम केन्द्रमा गरिएको परीक्षणको रिर्पोट सार्वजनिक गरिएको हो ।
