वैदेशिक रोजगारीमा गएकी युवतीको छुरा प्रहार गरी हत्या
मकवानपुर ।वैदेशिक रोजगारीमा गएकी युवतीको छुरा प्रहार गरी हत्यामलेसियामा एक युवकले वैदेशीक रोजगारीमा गएकी नेपाली युवतीको छुरा हानी हत्या गरेका छन् ।
मलेसियाको सेलेङ्गर शहरमा नेपाली युवकले नै छुरा हानी नेपाली युवतीको हत्या गरेको मलेसिया प्रहरीले जनाएको छ ।
भारतको सिक्किममा घर भएकी नेपाली राहदानी बाहक आइतमाया मगरको बुधबार ती युवकले हत्या गरेको प्रहरीको भनाइ छ ।
मृतक युवती स्थानीय दर्शन नमस्ते रेष्टुरेन्टमा कार्यरत थिइन् । प्रहरीका अनुसार त्यस रेष्टुरेन्टमा ग्राहक बनेर गएका ती युवकले सामान्य विवाद हुँदा युवतीमाथि छुरा हानेका थिए ।
हत्या गर्ने युवकको भने परिचय गोप्य राखिएको छ । तर, हत्या गर्ने युवकलाई प्रहरीले पक्राउ गरेको छ भने मृतक युवतीको शव पोष्टमार्टमको लागि अस्पताल लगिएको छ । घटनाबारे प्रहरीले अनुसन्धान गरिरहेको जनाएको छ । शिलापत्र डटकमबाट
