(अपडेट) बैतडी दुर्घटनामा ९ जनाको मृत्यु, ३४ जना घाइते
मकवानपुर । बैतडीमा बस दुर्घटहना हुँदा मृत्यु हुनेको संख्या ९ पुगेको छ। जिल्लाको पाटन नगरपालिका–८ खोड्पेमा बस दुर्घटना हुँदा ९ जनाको मृत्यु भएको हो भने ३४ जना घाइते भएका छन्।
दार्चुलाको गन्नाबाट महेन्द्रनगरका लागि छुटेको पवनदुत यातायातको ना ५ ख ५१४१ नम्बरको बस बिहीबार राती साढे १० बजेतिर दुर्घटनामा परेको बैतडी प्रहरीले जनाएको छ।
मृतकमध्ये ७ जना पुरुष र २ जना महिला रहेका जिल्ला प्रहरी कार्यालय बैतडीका प्रहरी नायव उपरीक्षक नारायणप्रसाद अधिकारीले जानकारी दिए। उनले मृतकहरुको सनाखत हुन बाँकी रहेको बताए।
दुर्घटनामा परी घाइते भएका ३४ जना मध्ये गम्भीर घाइते ७ जनालाई धनगढी रेफर गरिएको छ भने बाँकी २७ जनाको डडेल्धुरा अस्पतालमा उपचार भईरहेको प्रहरी नायव उपरीक्षक अधिकारीले जानकारी दिए।
मृतकमध्ये ८ जनाको शव घटनास्थलबाट निकालिकिएको छ भने एकजनाको बससँगै अड्किएकाले निकाल समस्या भइरहेकोले निकालिने तयारी भइहरहेको डीएसपी अधिकारीले बताए। प्रहरी र स्थानीय मिलेर राती नै घटनास्थलबाट घाइतेहरुको उद्धार गरिएको छ भने मृतकको शव निकालिएको छ।
सानो घुम्तीबाट बस ६ सय मिटर तल खसेको हो। बस चालक समेत घाइते भएर बोल्न नसक्ने अवस्थामा भएकोले दुर्घटना कसरी भएको हो भन्नेबारेमा अझै एकीन भइनसकेको प्रहरीले जनाएको छ।शिलापत्र डटकमबाट
