ठूलोथलीमा खुल्ला नकआउट फुटबल सुरु
मकवानपुर । मकवानपुरको हेटौंडा उपमहानगरपालिका वडा नम्बर १३ ठूलोथली स्थित फुटबल मैदानमा आयोजित खुल्ला नक आउट फुटबल प्रतियोगिताको पहिलो खेलमा आयोजक सगरमाथा युवा क्लबले मनहरी गाउँपालिका वडा नम्बर १ को नमूना युवा क्लबलाई ट्राइबेकर मा ५–३ गोल अन्तरले पराजित गरेको छ ।
आयोजक क्लबका अध्यक्ष मदनकुमार बलको अध्यक्षता तथा जिल्ला खेलकुद विकास समिती मकवानपुरका अध्यक्ष सानु लामाको प्रमुख आतिथ्यतामा प्रतियोगिता शुभारम्भ गरिएको हो । प्रतियोगितामा ११ टिमको सहभागिता रहेको आयोजकले जनाएको छ ।
प्रतियोगितामा विजेताले नगद ५० हजार र उपविजेताले नगद पच्चिस हजारसंगै शिल्ड,मेडेल र प्रमाणपत्र प्राप्त गर्ने तथा प्रतियोगिताभर उत्कृष्ट खेल प्रदशन गर्नेलाई विधागत रुपमा बेस्ट प्लेयर, बेस्ट किप्पर र बेस्ट कोच को उपाधी प्रदान गरिने जनाइएको छ ।
आयोजकका अनुसार प्रतियोगिताको फाइनल खेल मङ्सिर २० गते हुनेछ ।
