भूकम्पले भत्काएको गुम्बा पुनर्निमाण सुरु
मकवानपुर । मकवानपुरको हेटौंडा उपमहानगरपालिका वडा नम्बर १६ मा एक करोड लागतमा गुम्बा निर्माण थालनी गरिएको छ ।पुनर्निर्माण प्राधिकरणले उर्गेनछेरीङ गुम्बा निर्माण गर्नका लागि एक करोड रुपैयाँ बजेट उपलब्ध गराएको हो । निर्माण गर्न लागिएको गुम्बाको हेटौंडा उपमहानगरपालिकाका मेयर हरिबहादुर महतले शिलान्यास गरे ।भूकम्पले भत्काएको गुम्बा पुनर्निर्माणका लागि प्राधिकरणले रकम उपलब्ध गराएसंगै मेयर महतले शिलान्यास गरेका हुन् ।
