कांग्रेस मकवानपुरले आज ओली कदमको विरोध प्रदर्शन गर्दै
मकवानपुर । प्रधानमन्त्री केपी शर्मा ओली नेतृत्वको सरकारको कदम असंवैधानिक भन्दै नेपाली काङ्ग्रेस मकवानपुरले आज (सोमबार) विरोध प्रदर्शन गर्दैछ ।
नेकपामा आन्तरिक विवाद भएका कारण पार्टी अध्यक्ष एवं प्रधानमन्त्री ओलीले प्रतिनिधीसभा विघठन गरी संविधानको धज्जी उडाएको निश्कर्ष सहित मकवानपुर लगायत देशभर कांग्रेसले विरोध गर्न थालेको हो ।
कांग्रेस मकवानपुरका कार्यबाहक सभापति विष्णु लामिछानेका अनुसार मकवानपुरको दुई वटै प्रतिनिधिसभा निर्वाचन क्षेत्रमा विरोधको तयारी भएको छ ।
मध्यान्ह १२ बजे प्रतिनिधिसभा क्षेत्र नम्बर १ अन्तर्गत हेटौंडा उपमहानगरपालिका वडा नम्बर १६ चिसापानीमा र क्षेत्र नम्बर २ को थाहा नगरपालिकाको थानाबजारमा विरोध प्रदर्शन गर्ने तयारी गरिएको लामिछानेले जानकारी दिए ।
