सुनाचुरीमा नेकपाको अगुवा प्रशिक्षण
मकवानपुर । मकवानपुरको मनहरी गाउँपालिका वडा नम्बर ६, सुनाचुरीमा पार्टीको वडा स्तरिय अगुवा प्रशिक्षण भेला आयोजना गरिएको छ ।
नेकपा मनहरी ६, पार्टी कमिटी अध्यक्ष डम्बरबहादुर मोक्तानको अध्यक्षता तथा पार्टीका बागमती प्रदेश कमिटी सदस्य सूर्यचन्द्र न्यौपानेको प्रमुख आतिथ्यमा अगुवा भेला भएको हो । भेलामा बोल्दै प्रमुख अतिथी न्यौपानेले प्रधानमन्त्रीले संविधानमा व्यवस्थै नभएको अधिकार भन्दै ‘कु’ गरेको बताए । एमसीसीको विरोध गर्दै नेता न्यौपानेले जनतामाथि ओलीले धोका दिएको आरोप लगाए । उनले प्रधानमन्त्री ओलीको संरक्षणमा भ्रष्टाचार भइरहेको दाबी गर्दै जनताका सामु झुटको खेती नगर्न भने ।
भेलामा प्रदेश सदस्य वीरबहादुर घलान ज्वाला, जिल्ला पार्टी सचिवालय सदस्य एवं पार्टी संगठन विभाग सहसंयोजक कमानसिंह पाख्रीन पृथक, सचिवालय सदस्यहरु राजकुमार पाख्रीन, पुष्पलाल मित्रता केन्द्रका केन्द्रिय सदस्य रामकुमार एलन, पार्टीको जिल्ला कमिटी सदस्य हिरा स्याङतान, मनहरी गाउँ कमिटी पार्टी सचिव नारायण श्रेष्ठ लगायतको आतिथ्यता रहेको थियो ।
