हेटौंडा भेट्रान्स कप फुटबलमा आज सेमीफाइनल खेल हुदै
मकवानपुर । मकवानपुरको हेटौंडामा जारी छैंठौ हेटौंडा भेट्रान्स कप ‘एट ए साइड’ फुटबल प्रतियोगितामा सेमीफाइनल खेल हुदैछ । दिउँसो १ः०० बजे हुने हेटौंडा भेट्रान्स सुपर र साना गौचरण बिच प्रतिष्पर्धा हुनेछ । यस्तै, चावहिल भेट्रान्स र बगरभाई खलक भेट्रान्सका बिच सेमिफाइनल खेल हुने आयोजक हेटौंडा भेट्रान्स क्लवले जनाएको छ । प्रतियोगिता अन्तर्गत हिजोको खेलमा डिल्लिबजार भेट्रान्सलाई टाईब्रेकरमा ३-१ गोलअन्तरले पराजित गर्दै चावहिल भेट्रान्स, जोरपाटी भेट्रान्सलाई १-० गोल अन्तरमा पराजित गर्दै सानो गौचरण, फुटसल भेट्रान्स हेटौंडालाई ३-० गोल अन्तरले पराजित गर्दै हेटौंडा भेट्रान्स सुपर, आयोजक हेटौंडा भेट्रान्सलाई १-० गोल अन्तरमा पराजित गर्दै बगरभाई खलक पोखरा विजयी भएको छ ।
प्रतियोगितामा भोलि (शनिवार) फाइनल खेल हुनेछ । नकआउट चरणमा खेलका विजेताले प्रमाणपत्र, शिल्ड र नगद १ लाख १ हजार १ सय ११ रुपैयाँ, उपविजेताले नगद ५१ हजार १ सय ११ रुपैयाँ प्राप्त गर्ने कार्यक्रम संयोजक कविन सांगामीले जानकारी दिए ।
