मकवानपुरगढीमा नेकपा ओली समूहको नेतृत्व जीतबहादुर घिमीरेलाई
मकवानपुर । मकवानपुरको मकवानपुरगढी गाउँपालिकामा नेकपा पार्टी गाउँ कमिटीको ओली समूहको विस्तारित बैठकले नयाँ अध्यक्ष घोषणा गरेको छ । बैठकले जीतबहादुर घिमीरेलाई नेकपा ओली समूहले अध्यक्ष घोषणा गरेको हो ।
पार्टीका सिताराम तिमल्सिनाको अध्यक्षतामा भएको विस्तारित बैठकका प्रमुख अतिथी नेकपा ओली समूहका मकवानपुर जिल्ला अध्यक्ष एकालाल श्रेष्ठले घिमीरेलाई अध्यक्षको जिम्मेवारी दिइएको घोषणा गरे । आगामी बैठकबाट पार्टीको गाउँ कमिटीलाई पूर्णता दिइने जनाइएको छ ।
मकवानपुरगढी गाउँपालिकाको ८ वटै वडाबाट दुई–दुई जना प्रतिनिधीको सहभागितामा भएको विस्तारित बैठकमा नेताहरु मेम्बर लो,हरि कडेंल, कृष्ण लम्साल लगायतको आतिथ्यता थियो ।
पार्टी नेता कृष्ण ढुंगानाले स्वागत मन्तव्य व्यक्त गरेको बैठकको रमिला घलानले सहजीकरण गरेकी थिइन् ।
