हेटौंडा गोल्डकपमा बागमती र दुधौली भिड्दै
मकवानपुर । मकवानपुरको हेटौंडामा जारी हेटौंडा गोल्डकप फुटबल प्रतियोगितामा आज (आइतबार) एउटा खेल हुदैछ ।
वन विज्ञान अध्ययन संस्थानको खेल मैदानमा दिउँसो १ बजेपछि हुने आजको खेलमा बागमती युवा क्लब र दुधौली स्पोर्टस क्लब भिड्नेछन् । विजय युथ क्लब, हेटौंडाको आयोजनामा यही माघ १६ गतेबाट जारी प्रतियोगिताको हिजोको खेलमा सेन्ट्रल कलेज भरतपुर बिएफसी क्लब र आयोजक विजय थुय क्लब विजयी भएका थिए । विजयी भएसँगै भरतपुर र आयोजक टिम सेमिफाइनलमा प्रवेश गरेका छन् ।
आयोजक विजय युथ क्लवका अध्यक्ष सुदिप राजबाहकका अनुसार यही माघ २३ गतेसम्म हुने प्रतियोगिताका विजेताले नगद ३ लाख र उपविजेता हुने टिमले १ लाख ५० हजार रुपैयाँ प्राप्त गर्नेछन् । प्रतियोगितामा मकवानपुरका दुई सहित देशका विभिन्न दश वटा टिमले भाग लिएका छन् ।
