विभिन्न मुद्दामा फरार रहेका ६ जना पक्राउ
मकवानपुर । मकवानपुर प्रहरी विभिन्न मुद्दामा फरार रहेका ६ जनालाई पक्राउ गरेको छ ।
पक्राउ पर्नेमा २१ बर्ष कैद सजायँ भुक्तान गर्न बाँकी रहेका समेत छन् ।
विभिन्न मुद्धामा मकवानपुर र चितवन जिल्ला अदालतले सजाय तोकी फरार रहेकालाई पक्राउ गरिएको जिल्ला प्रहरी कार्यालय मकवानपुरका प्रहरी नायव उपरिक्षक प्रवक्ता इन्द्रबहादुर रानाले जानकारी दिए ।
प्रहरीले मकवानपुर मकवानपुरगढी गाउँपालिका वडा नम्बर ८ का ७३ बर्षीय देवलाल रुम्बा, मनहरी गाउँपालिका वडा नम्बर ९ का ४८ बर्षीय भोज बहादुर प्रजा, मनहरी गाउँपालिका वडा नम्बर ६ का ४३ बर्षीय रामसिं लोप्चन, मनहरी–६ का ३२ बर्षीय राज कुमार तामाङ, २९ बर्षीय छिरिङ मोक्तान र मनहरी–६ का ३८ बर्षीय प्रतापसिं जिम्बा पक्राउ गरेको हो ।
पक्राउ परेकालाई कैद तथा जरिवाना भुक्तानका लागि सम्बन्धित अदालत पेश गरिने प्रहरी प्रवक्ता रानाले जानकारी दिए ।
