क्वीक ट्वान्टी होटलको छतबाट खसेर सफाई मजदुरको मृत्यु
मकवानपुर । मकवानपुरको हेटौंडामा रहेको क्वीक ट्वान्टी होटलमा सरसफाईको काम गर्दै आएका एकजनाको होटलको छतबाट खसेर मृत्यु भएको छ ।
हेटौंडा ४ हुप्रमा रहेको पाँचतले होटलमा सरसफाईको काम गर्दै आइरहेका ४२ वर्षिय विनोद यादवको छतबाट खसेर आज विहान (शुक्रबार) मृत्यु भएको हो ।
रौतहटको देवाही नगरपालिकाका यादवलाई छतबाट खसेर घाइते अवस्थामा उपचारका लागि हेटौंडा अस्पतालमा लगिए पनि उनको उपचारका क्रममा मृत्यु भएको मकवानपुर प्रहरीले जनाएको छ । प्रहरीका अनुसार घटनाबारेमा अनुसन्धान भइरहेको छ ।
