रेडियो थाहाको वार्षिकोत्सव : आज सन्चारकर्मी र हेटौंडा भेट्रान्सबीच मैत्रीपूर्ण फुटबल
मकवानपुर । रेडियो थाहा सन्चार ९९ दशमलव ६ एफएम, हेटौंडाको तेह्रौं वार्षिकोत्सव अवसरमा आयोजित सप्ताहव्यापी कार्यक्रमको छैठौं दिन आज मैत्रीपूर्ण फुटबल खेल आयोजना हुदैछ ।
अहिले विहान साँढे ७ बजेपछि हेटौंडा भेट्रान्स र सञ्चारकर्मीबीच मैत्रीपूर्ण फुटबल आयोजना हुनेछ । खेल हेटौंडाको लोकतान्त्रिक चौरमा हुने रेडियोका म्यानेजर मणिराज गौतमले जानकारी दिए ।
सप्ताहव्यापी कार्यक्रम अन्तर्गत फागुन १ गते साइकलर्याली तथा मकवानपुरगढी गाउँपालिकाको बालमैत्री अभियानबारे अन्तरक्रिया, फागुन २ गते सामुदायिक थाहा विकास भवन हस्तान्तरण र रुपचन्द्र विष्ट र थाहा आन्दोलनको मर्म विषयक अन्तरक्रिया, फागुन ३ गते रक्तदान, फागुन ४ गते मकवानपुरको मनहरी गाउँपालिका वडा नम्बर ४ मसिनेमा व्यवसायिक माछापालन प्रबद्घ्र्रनमा मनहरी गाउँपालिकाको भूमिका विषयक अन्तरक्रिया, फागुन ५ गते हिजो ‘सवारी दुर्घटना न्यूनिकरण, कानूनी व्यवस्था र नागरिकको दायित्व विषयक माविस्तरिय वक्तृत्वकला प्रतियोगिता’ आयोजना भएका थिए ।
भोलि फागुन ७ गते बार्षिकोत्सव अन्तर्गत सप्ताहव्यापी कार्यक्रम समापन आयोजना गरिने र थाहा वर्षसम्मान प्रदान गरिने रेडियोका स्टेशन म्यानेजर गौतमले जानकारी दिए ।
