मकवानपुरको सुनाचुरीमा बस र ट्रक ठोक्किदा तीनजनाको मृत्यु, दश जना घाइते
मकवानपुर । मकवानपुरको मनहरी ६ सुनाचुरीमा यात्रुबाहक बस र ट्रक ठोक्किदा तीन जनाको मृत्यु भएको छ भने दश जना घाइते भएका छन् ।
आज विहान तीन बजे हेटौंडाबाट चितवन तर्फ जाँदै गरेको ना ४ ख ५१४९ नम्बरको बस र विपरित दिसाबाट आइरहेको ना ६ ख ८९ नम्बरको ट्रक एक ठोक्किदा बसका चालक सहित ३ जनाको मृत्यु भएको हो । मृत्यु हुनेमा बस चालक वीरगन्ज–१५ का ३५ बर्षीय मदन कुमार थापा, बसमा सवार भारत सिस्वाका अन्दाजी ३५ बर्षीय अभयलाल कुश्वाह र भारत विहारका ४० बर्षीय सुनीलकुमार रहेको जिल्ला प्रहरी कार्यालय मकवानपुरले जनाएको छ ।
प्रहरीका अनुसार बस चालक थापा र सुनीलकुमारको उपचारको क्रममा चितवन स्थित पुरानो मेडिकल कलेज र कुश्वाहको हेटौंडा अस्पतालमा उपचारको क्रममा मृत्यु भएको हो । दुर्घटनामा परी घाइते भएकाको हेटौंडामा उपचार भइरहेको छ ।
