हेटौंडामा ‘ए साथी सुन’ छायांकन हुदै
मकवानपुर । मकवानपुरको हेटौडा र पर्साको बिरगंज क्षेत्रमा अधिकांस छायांकन हुने चलचित्र ‘ए साथी सुन’ शुभमुहूर्त गरिएको छ । महाशिवरात्रीको अवसरमा खोकना कार्यबिनायक मन्दिरमा चलचित्रको शुभमुहूर्त गरिएको हो ।
विना कार्कीको निर्माणमा बन्ने चलचित्रमा नायिका बर्षा शिवाकोटी र नव(नायक रमेश बानिँया , जयनन्द लामा, सुशील पोख्रेल, रमेश अधिकारी, प्रतीक्षा शाह चन्द, सुभाष शाहको अभिनय रहने छ । यहि चलचित्र मार्फत रामराघव आचार्यले फिचर फिल्ममा निर्देशकका रुपमा डेब्यु गर्दैछ्न ।
सुदिप कुँवरको मुख्य सहायक निर्देशन रहने चलचित्रको छायांकन मानकृष्ण महर्जनले गर्नेछन् भने चलचित्रमा किरण भुजेल, अन्जु पन्त पार्श्व गायन रहनेछ ।
फिल्ममा रामजी लामिछानेको कोरियोग्राफी, कुमार महर्जनको द्धन्द निर्देशन, रहने छन् । चैत्र ४ गते बुधबार बाट फ्लोरमा जाने चलचित्र सामाजिक र प्रेमकथामा बन्न लागेको निर्देशक आचार्यले जानकारी दिए । हेटौंडाका विभिन्न क्षेत्रमा चलचित्र छायांकन हुनेछ ।
