बागमती प्रदेशमा आज बदली हुने
मकवानपुर । आज बागमती प्रदेशमा बदली हुने सम्भावना रहेको मौसम पूर्वानुमान महाशाखाले जनाएको छ ।
प्रदेशका केही भूभागमा मेघ गर्जन सहित हावाहुरी समेत चल्न सक्ने अनुमान गरिएको छ ।
महाशाखाले आगामी २४ घण्टामा प्रदेश १ का केही स्थानमा भारी वर्षाको सम्भावना रहेको जानकारी दिएको छ ।
यस्तै, आज प्रदेश १, प्रदेश २ र गण्डकी लगायतका प्रदेशमा पनि बदली हुने सम्भावना रहेको महाशाखाको भनाई छ ।
महाशाखाका अनुसार हाल देशमा पश्चिमी न्यून चापीय प्रणाली, दक्षिण-पूर्व भू-भागनजिक रहेको पूर्व–पश्चिम फैलिएको न्यून चापीय रेखा तथा बंगालको खाडीबाट प्रवाह हुने जल वाष्प युक्त हावाको प्रभाव रहेको छ ।
भोलि आइतबार देशका अधिकांश स्थानमा बदली रही केही स्थानमा मेघ गर्जन र हावाहुरीसहित वर्षा हुन सक्ने अनुमान छ ।
यस्तै, पर्सि सोमबार देशका अधिकांश स्थानमा बदली रही केही स्थानमा वर्षा हुने महाशाखाले जनाएको छ ।
