मकवानपुरमा कोरोनाबाट हालसम्म ९२ जनाको मृत्यु
मकवानपुर । मकवानपुरमा कोरोना संक्रमणबाट मृत्यु हुनेको संख्या ९२ जना पुगेको छ । विगत २४ घन्टामा सोमबार आज थप तीन जना कोरोना संक्रमितको मृत्यु भएको जिल्ला स्वास्थ्य कार्यालय मकवानपुरले जनाएको छ ।
मृत्यु हुनेहरुमा हेटौंडा उपमहानगरपालिकाका २ जना र मकवानपुगढी गाउँपालिकाका एक जनाको कोरोनाबाट मृत्यु भएको हो ।
सोमबार मकवानपुरमा पछिल्लो चौबीस घन्टामा एक सय जनामा कोरोना पुष्टि हुँदा १ सय ४९ जनाले कोरोना जितेका छन् ।
