मकवानपुरमा आज ६२ जना संक्रमित, १४२ जना संक्रमणमुक्त
मकवानपुर । मकवानपुरमा आज ६२ जनालाई कोरोना संक्रमण भएको छ भने १ सय ४२ जना संक्रमणमुक्त भएका छन् ।
पछिल्लो २४ घण्टामा १०१ जनाको पीसीआर विधिबाट परीक्षण गर्दा ३३ जना र ५९ जनाको एन्टिजेन विधिबाट परीक्षण गर्दा २९ जनामा गरी ६२ जनामा कोरोना पुष्टि भएको जिल्ला स्वास्थ्य कार्यालय मकवानपुरले जनाएको छ ।
कार्यालयका अनुसार पछिल्लो २४ घन्टामा १ सय ४२ जना कोरोना संक्रमणमुक्त भएका छन् ।
हेटौंडा उपमहानगरपालिकाकामात्रै ७२ जना संक्रमणमुक्त भएका हुन् ।
मकवानपुरमा हालसम्म ७ हजार ७ सय ५३ जनाले कोरोना जितेका छन् । अहिले जिल्लामा ९ हजार ६ सय ४१ जना कोरोनाको सक्रिय संक्रमित रहेको स्वास्थ्य कार्यालयले जनाएको छ ।
