मालपोत कार्यालयको प्रांगणमा बेहोस् भएर लडेकी बृद्दाको मृत्यु
मकवानपुर । मालपोत कार्यालय मकवानपुरमा आज वृद्दाको बेहोस् भएर मृत्यु भएको छ । चार दिनदेखि मालपोतमा काममा धाएकी मकवानपुरगढी गाउँपालिका, आमभन्ज्याङ्की ७८ वर्षिया वृद्दाको मालपोत प्रांगणमै ज्यान गएको हो । कोरोनाका बेलामा भीड त्यसमा पनि अत्यधिक गर्मीका कारण बेहोस् भएर ढलेकी बृद्दाको मृत्यु भएको जनाइएको छ । उनी अंशबन्डाको जग्गा पासको लागि मालपोतमा धाइरहेकी थिइन् ।
