डाईजेपाम लागुऔषधसहित २ जना पक्राउ
मकवानपुर । लागुऔषध डाईजेपामसहित २ जनालाइ प्रहरीले पक्राउ गरेको छ। आज बिहान करिब ४:३० बजेको समयमा ईलाका प्रहरी कार्यालय मनहरीबाट खटिएको प्रहरी टोलीले सवारी साधनहरु रोकी चेकजाँच गर्ने क्रममा पक्राउ गरेको हो ।
पक्राउ पर्नेमा जिल्ला मकवानपुर मनहरी गा.पा. वडा नम्बर ७ मनहरी बजारस्थित चेकपोष्ट अगाडी पुर्व पश्चिम लोकमार्गमा बिरगंजबाट चितवन तर्फ जादै गरेको ना ७ ख २०१९ नम्बरको यात्रु बस रोकी चेकजाँच गर्ने क्रममा उक्त बसमा सवार रहेका भारत बिहार पुर्वी चम्पारण जिल्ला मोतीहारी ग्राम आदापुर वडा नम्बर २ निवासी २२ वर्षीय सद्दाम अन्सारी नाम भएको हो ।
यस्तै भारत बिहार जिल्ला मोतीहारी ग्राम सिसवा सौनाहा वडा नम्बर २ बस्ने १८ वर्षीय रोहान आलमले हरियो रंगको जेब्रा झोला भित्र लुकाई छिपाई ल्याएको लागुऔषध डाईजेपाम ३०० एम्पुल ,फेनार्गन ३०६ एम्पुल र नुफिन ३४० एम्पुल फेला परेको हुदाँ निजहरुलाई उक्त लागुऔषध सहित पक्राउ गरी अनुसन्धान भईरहेको जिल्ला प्रहरी कार्यालय मकवानपुरका प्रहरी प्रवक्ता नायव उपरीक्षक प्रहरी जयश्वर रिमालले बताए।
प्रतिकृया
अन्य समाचार
सर्वाधिक रुचाइएको
