हेटौँडा १३ बाट एक युवक पक्राउ
मकवानपुर । मकवानपुरको हेटौँडा उपमहानगरपालिका वडा नम्बर १३ मुस्कान टोलबाट एक युवक पक्राउ परेका छन् । प्रहरीले लागुऔषध ट्रामाडोलसहित ३२ वर्षीय अशोक बाबा भन्ने राजिब मोक्तानलाई पक्राउ गरेको हो ।
मोक्तानले लागुऔषध विक्री वितरण गरिरहेको भन्ने विशेष सूचनाका आधारमा बिहिबार प्रहरीले मोक्तानको घरमा खानतलासी गर्दा लागुऔषध ट्रामाडोल १ सय ७५ ट्याब्लेट र नगद २२ हजार १ सय ७५ रुपैयाँ फेला पारेको जनाएको छ ।
लागुऔषध फेला परेपछि उनलाई नियन्त्रणमा लिएर अनुसन्धान थालिएको प्रहरीले जनाएको छ ।
