एकीकृत समाजवादी हेटौंडा २ मा दिलका राजा
मकवानपुर । नेकपा (एकीकृत समाजवादी) हेटौंडा उपमहानगरपालिका २ नम्बर वडा नम्बर कमिटीको शनिबार वडा भेला भएको छ ।
भेलाले दिलका राजा राजथलाको अध्यक्षतामा ११ सदस्यीय पार्टी वडा कमिटी पुनर्गठन गरिएको छ ।
नव निर्वाचित वडाअध्यक्ष राजथलाले एकीकृत समाजवादीलाई वडाका जनजनमा सुख, दुःखको साथीका रुपमा पार्टीलाई पुर्याउँने बताए ।
पार्टी बागमती प्रदेश कमिटि सदस्य रामचन्द्र ढकालको प्रमुख आतिथ्यता रहेको भेलामा पार्टी मकवानपुर जिल्ला सचिव ध्रुव भुजेल, जिल्ला सदस्य तारा ढुंगाना, पार्टी हेटौंडा नगर कमिटीका सचिव सफल अधिकारीलगायतले मन्तव्य व्यक्त गरेका थिए ।
एकीकृत समाजवादीले वडा वडामा भेला, संगठन निर्माण, सदस्यता विस्तार लगायत पार्टी निर्माण अभियानलाई तिब्रताका साथ अघि बढाएको पार्टी हेटौंडा उपमहानगर कमिटिका सचिव सफल अधिकारीले जानकारी दिए ।
यसैबीच, मनोज लामाको संयोजकत्वमा ११ सदस्यीय युवा संघ नेपाल, वडा कमिटी पनि गठन गरिएको छ ।
