मकवानपुर बहुमुखी क्याम्पसमा नयाँ सहायक क्याम्पस प्रमुख र प्राचार्य नियुक्त
मकवानपुर । मकवानपुरको हेटौँडा उपमहानगरपालिका २ स्थित मकवानपुर बहुमुखी क्याम्पसमा नयाँ सहायक क्याम्पस प्रमुख र प्राचार्य नियुक्त गरिएको छ । मकवानपुर बहुमुखी क्याम्पस सञ्चालक समितिले नयाँ सहायक क्याम्पस प्रमुख र प्राचार्यलाई नियुक्त गरेको हो ।
क्याम्पसको सहायक क्याम्पस प्रमुखमा संगम चौँलागाई, उत्तम अर्याल र दिनेश बिडारी तथा प्राचार्यमा सन्देश बिडारीलाई नियुक्त गरिएको छ । यसअघि नै क्याम्पसका तात्कालिन सहायक क्यामपस प्रमुख डाक्टर यमबहादुर सिलवाललाई क्याम्पस प्रमुखका रुपमा चयन गरिएको थियो ।
नवनियु सहायक क्याम्पस प्रमुखहरुमध्ये चौँलागाईलाई शैक्षिकतर्फ, अर्याललाई अनुसन्धानतर्फ र बिडारीलाई प्रशासनिक तर्फको सहायक क्याम्पस प्रमुखका रुपमा नियुक्त गरिएको हो ।
मकवानपुर बहुमुखी मकवानपुरका साथै यस आसपासका जिल्लाहरुका विद्यार्थीहरुका लागि उत्कृष्ट शैक्षिक गन्तव्य बन्दै गएको छ । क्याम्पसमा मकवानपुर, बारा, पर्सा, रौतहट, चितवन, सिन्धुली लगायतका जिल्लाहरुका विद्यार्थीहरु अध्ययनरत छन् ।
