हेटौँडा १२ ले जित्यो १५ नम्बर वडाअध्यक्ष कपको उपाधि
मकवानपुर । मकवानपुरको हेटौँडामा सम्पन्न अन्तर वडास्तरीय १५ नम्बर वडाध्यक्ष कप फुटबल प्रतियोगिताको उपाधि हेटौँडा १२ ले जितेको छ । आईतबार भएको फाइनलमा वडा नम्बर १२ ले वडा नम्बर ७ लाई १–० गोल अन्तरले पराजित गर्दै उपाधि जितेको हो ।
हेटौँडा उपमहानगरपालिका वडा नम्बर ६ स्थित गौरीटार रंगशालामा भएको निक्कै नै प्रतिस्पर्धात्मक प्रतियोगितामा वडा नम्बर १२ का गोल किपर आयुश गोलेले उत्कृष्ट गोल किपरको उपाधि जितेका जितेका थिए । त्यस्तै उत्कृष्ट फर्वाड पनि वडा नम्बर १२ कै साजन पाख्रिन भएका थिए ।
उपाधि विजेता वडा नम्बर १२ ले १ लाख रुपैयाँ र उपविजेता टिम वडा नम्बर ७ ले ५० हजार रुपैयाँसहित शिल्ड, मेडल तथा प्रमाणपत्र प्राप्त गर्नेछन् । प्रतियोगितामा हेटौंडा उपमहानगरपालिकाभित्रका १७ वटा वडाहरुको सहभागिता रहेको थियो । हेटौंडा उपमहानगरपालिका १५ नम्बर वडा खेलकुद विकास समितिको आयोजनामा प्रतियोगिता भएको हो ।
