हेटौँडा मेयर कप शनिबारदेखि सुरु हुने
मकवानपुर । मकवानपुरको हेटौँडा उपमहानगरपालिकाको चौथो सँस्करणको मेयर कप फुुटबल प्रतियोगिता यही चैत २४ गते शनिबारदेखि सुरु हुने भएको छ । हेटौँडा नगर खेलकुद विकास समितिले बिहिबार खेल तालिका सार्वजनिक गर्दै शनिबारबाट खेल हुने जानकारी दिएको हो ।
सार्वजनिक खेल तालिकाअनुसार उद्घाटन खेलमा साविक विजेता हेटौँडा–११ र ३ नम्बर वडा भिड्नेछन् । प्रतियोेगितामा हेटौँडा उपमहानगरका १९ वटै वडाको सहभागिता रहने छ । खेल हेटौँडा–५ स्थित पिप्ले–क्याम्पा रंगशालामा हुनेछ । प्रतियोेगिताको फाइनल खेल बैशाख ४ गते हुनेछ ।
प्रतियोेगिताको उपाधि विजेताले नगद २ लाख रुपैयाँसहित सिल्ड, मेडल तथा प्रमाणपत्र प्राप्त गर्नेछ भने उपविजेताले १ लाख ५० हजार रुपैयाँसहित सिल्ड, मेडल र प्रमाणपत्र प्राप्त गर्नेछ । प्रतियोगितामा सहभागी भई सेमिफाइनलमा पराजित हुने दुइ टिमले ५०–५० हजार रुपैैयाँ नगद प्राप्त गर्नेछ ।
