एकिकृत समाजवादी हेटौँडा १३ मा बुद्धिलाल गोलेको नेतृत्व, अनेम संघमा सानुमाया नेपाली
मकवानपुर । नेकपा (एकिकृत समाजवादी) पार्टीको हेटौँडा उपमहानगरपालिका १३ नम्बर वडा कमिटिको अध्यक्षमा बुद्धिलाल गोले चयन भएका छन् । कमिटिको शुक्रबार भएको १४ औँ वडा अधिवेशनले गोलेको अध्यक्षतामा २५ सदस्यीय कमिटि चयन गरेको हो ।
त्यस्तै अधिवेशनमा सानुमाया नेपालीको अध्यक्षतामा १९ सदस्यीय अखिल नेपाल महिला संघ वडा कमिटि पनि गठन गरिएको छ ।
अधिवेशन कार्यक्रममा नेकपा एकिकृत समाजवादी प्रदेश कमिटि सदस्य गायत्री सुवेदीको प्रमुख आतिथ्यतामा भएको हो । कार्यक्रममा पार्टीका मकवानपुर जिल्ला अध्यक्ष विष्णुप्रसाद दाहाल, सचिव ध्रुव भुजेल, सचिवालय सदस्यहरु मनोजकुमार वाईबा, किशोर बर्तौला, कार्यवहाक नगर अध्यक्ष विष्णु लामा, नगर सचिव सफल अधिकारी लगायतले मन्तव्य राखेका थिए ।
