मकवानपुर जिल्ला स्तरीय साइक्लिङ प्रतियोगितामा आयुश प्रथम, अनमोल दोस्रो
मकवानपुर । हिमालयन राइडर्स सोसाइटीको आयोजनामा शनिबार हेटौँडा हुप्रचौरमा भएको यु–१६ जिल्लास्तरीय ३ किलोमिटर साइक्लिङ दौड प्रतियोगितामा आयुश दास प्रथम भएका छन् । प्रतियोगितामा अनमोल दास द्वित्तिय, रिजन फुयाँल तृतिय, वरुण श्रेष्ठ चौथो र सोहन अग्रवाल छैटौँ भएका छन् ।
त्यस्तै प्रतियोगितामा महिला सहभागिता तर्फ साहिष्टु घिमिरे र गरिमा गौतमलाई पनि सम्मान गरिएको छ । प्रतियोगितामा जम्मा २६ जना प्रतियोगीहरुले सहभागिता जनाएका थिए । प्रतियोगितामा प्रथम, द्वितीय, तृतीय भएकाहरुले र सान्त्वना २ जना प्रतियोगीहरुले क्रमशः ५ हजार रुपैयाँ, ३ हजार रुपैयाँ, २ हजार रुपैयाँ र १–१ हजार रुपैयाँसहित प्रमाणपत्र प्राप्त गरेका छन् ।
कार्यक्रममा नगर खेलकुद विकास समितिका अध्यक्ष रबिन्द्र घिमिरे र मकवानपुरका शसस्त्र प्रहरी १४ गण प्रमुख ज्ञान प्रसाद भुर्तेलको विशिष्ट आतिथ्यता रहेको थियो । त्यस्तै राममान श्रेष्ठ, मकवानपुर जिल्ला साईकिलिङ्ग संघका अध्यक्ष संगित श्रेष्ठ , हेटौंडा राईडर्स क्लबका कोषाध्यक्ष बिरेन्द्र बज्राचार्य, मकवानपुर जिल्ला ट्राफिक प्रहरी कार्यालय प्रमुख, ४ नम्बर वडा प्रहरी कार्यालय प्रमुख लगायतको आतिथ्यता रहेको थियो ।
