मकवानपुरको हात्तिसुँडेमा भेटिएको मोटरसाईकल मोटरसाईकल धनीलाई फिर्ता
मकवानपुर । मकवानपुरको बकैया गाउँपालिका वडा नम्बर ४ हात्तिसुँडे भिमसेन दमारमा फेला परेको मोटरसाईकल मोटरसाईकलधनीलाई फिर्ता गरिएको छ । जिल्ला प्रहरी कार्यालय मकवानपुरले मोटरसाईकल फिर्ता गरेको हो ।
गएको माघ १५ गते काठमाडौँ महानगरपालिका वडा नम्बर ८ टोखास्थित ग्रिनल्याण्डबाट पार्किङ गरिएको बागमती प्रदेश ०२–०४८ प ३२०५ नम्बरको एनएस २०० सिसि मोटरसाईकल हराएको थियो । हराएको मोटरसाईकल बकैयाा फेला परेपछि मोटरसाईकल धनीलाई जिल्ला प्रहरी कार्यालय मकवानपुरमा बोलाई फिर्ता गरिएको प्रहरीले जनाएको छ ।
मोटरसाईकल कसरी फेला पर्यो वा कसले प्रयोग गर्दै गर्दाको अवस्थामा फेला पर्यो भन्ने विषयमा प्रहरीले जानकारी दिएको छैन ।
