नेवारपानीबाट एक युवक पक्राउ
मकवानपुर । मकवानपुरको हेटौँडा उपमहानगरपालिका वडा नम्बर १९ नेवारपानीबाट एक युवक पक्राउ परेका छन् । प्रहरीले लागूऔषध गाँजासहित रौतहट जिल्लाको माधवनारायण–५, मिठुवाका २६ वर्षीय नूर आलम मन्सुरीलाई पक्राउ गरेको हो ।
सोमबार साँझ करिब ५ बजेर ३० मिनेटको समयमा पूर्व–पश्चिम राजमार्गमा ईलाका प्रहरी कार्यालय नेवारपानीबाट प्रहरी नायव निरीक्षकको टोली र ट्राफिक प्रहरीसहितको संयुक्त टोलीले म्याग्दी जिल्लाको बेनीबाट हेटौँडातर्फ आउँदै गरेको ना ६ ख ९५४९ नम्बरको यात्रुवाहक बसलाई जाँच गर्दा बसमा सवार मन्सुरीको साथबाट लागूऔषध गाँजा २ केजी बरामद गरेको जनाएको छ ।
मन्सुरीलाई नियन्त्रणमा लिई थप अनुसन्धानका लागि जिल्ला प्रहरी कार्यालय मकवानपुर लगिएको प्रहरीले जानकारी दिएको छ ।
प्रतिकृया
अन्य समाचार
सर्वाधिक रुचाइएको
