थाहा नगरपालिकामा पानीमा डुबेको अवस्थामा महिलाको शव फेला
मकवानपुर । मकवानपुरको थाहा नगरपालिका वडा नम्बर ४ मा पानीमा डुबेको अवस्थामा एक महिलाको शव फेला परेको छ ।
थाहा नगरपालिकाबाट पत्रकार शम्भु अधिकारीले दिएको जानकारी अनुसार थाहा नगरपालिका वडा नम्बर ४ स्थित ऋषेश्वर मन्दिरमा जाने पुरानो बाटो अन्तर्गत पर्ने खोलाको बाटोमा हरिणगैरी भन्ने स्थानमा पानीमा डुबेको अवस्थामा महिलाको शव फेला परेको हो ।
अधिकारीका अनुसार शव थाहा नगरपालिका वडा नम्बर ४ नारायण झ्याउ निवासी एक महिलाको हो । उनको शवलाई प्रहरी र स्थानीयको रोहबरमा खोलाबाट निकालिएको थियो ।
