दीप प्रज्वलन गर्दै हेटौंडामा एकीकृत समाजवादीले मनायो नेकपा स्थापना दिवस
मकवानपुर । नेकपा (एकीकृत समाजवादी) मकवानपुरले हेटौंडा ४ स्थित आफ्नो पार्टी कार्यालय अगाडी सडकमा दीप प्रज्वलन गर्दै नेपाल कम्युनिष्ट पार्टी (नेकपा) को ७५ औं स्थापना दिवस मनाएको छ ।
पार्टीका स्थायी कमिटि सदस्य ललितबहादुर बस्नेतले दीप प्रज्वलन गर्दै कार्यक्रम शुभारम्भ गरे । कार्यक्रममा मकवानपुर जिल्ला अध्यक्ष वि.सं.२००६ सालमा आजैका दिन नेपाल कम्युनिष्ट पार्टी स्थापना भएको स्मरण गरे । ‘नेपालमा आजका दिन कम्युनिष्ट पार्टी स्थापना भएको सम्झना गर्दै हामी स्थापना दिवस मनाइँरहेका छौं ।’ अध्यक्ष दाहालले भने, ‘स्थापना दिवसको अवसरमा हामी दीप प्रज्वलनमा सहभागी हुँदैछौ ।’
दीप प्रज्वलन कार्यक्रममा पार्टीका केन्द्रीय सदस्य एवम् मकवानपुर इन्चार्ज मुनु सिग्देल, केन्द्रीय सदस्य एवम् हेटौंडा उपमहानगरपालिकाका प्रमुख मीनाकुमारी लामा, पार्टी मकवानपुरका सचिव ध्रुव भुजेल,पार्टी जिल्ला सचिवालय सदस्य, जिल्ला सदस्य, युवा संघका सदस्य लगायत नेता तथा कार्यकर्ताको उपस्थिती थियो ।
