सडक भासिएपछि कान्ति लोकपथ सडक पूर्णरुपमा अवरुद्ध
मकवानपुर । मकवानपुरको हेटौँडा–ठिंगन हुँदै काठमाण्डु जानका लागि प्रयोग हुँदै आएको कान्तिलोक पथको बाटो पूर्णरुपमा अवरुद्ध भएको छ ।
सडक निर्माणका क्रममा बिहीबार ललितपुरको बागमती गाउँपालिका वडा नम्बर २ मा ढुंगामाटो धेरै झरेर सडक समेत भासिएपछि सडक अवरुद्ध भएको हो ।
सडक निर्माण भइरहेता पनि आंशिक रुपमा संचालन भईरहेको शो सडकखण्ड पूर्ण रुपमा बन्द भएको जिल्ला प्रहरी कार्यालय मकवानपुरले जनाएको छ । भासिएको सडक पुर्ने कार्य भईरहेको र शो काम सम्पन्न हुन करिब २ देखि ३ दिन सम्म लाग्न सक्ने प्रहरीले जनाएको छ ।
