चित्लाङ सडकमा लोडरले किचेर एकको मृत्यू
मकवानपुर । थानकोट–चन्द्रागिरि–चित्लाङ सडकमा लोडरले किचेर एक जना युवाको ज्यान गएको छ । शनिबार दिउँसो सो सडकको चन्द्रागिरि–चित्लाङ खण्डमा सडक मर्मतमा खटिएको लोडरले किच्दा एक जनाको ज्यान गएको हो ।
इलाका प्रहरी कार्यालय चित्लाङका अनुसार मृत्यु हुनेमा नुवाकोटका २९ वर्षीय सागर भण्डारी रहेका छन् । सडक मर्मतमा खटिएको सडक डिभिजनको आर डि १०१–०३८ नम्बरको लोडरले किच्दा लोडरका सहचालक भण्डारीको ज्यान गएको इलाका प्रहरी कार्यालय चित्लाङले जनाएको छ ।
मृतकको शव परीक्षणका लागि त्रिवि शिक्षण अस्पताल महाराजगञ्जतर्फ लगिएको छ । लोडर चालक ललितपुर महानगर १२ बस्ने ५६ बर्षका धर्मभक्त महर्जनलाई थप अनुसन्धानका लागि इलाका प्रहरी कार्यालय पालुङले नियन्त्रण लिएको छ ।
