हेटौँडा आउँदै गरेको सुमो र निजी सवारी ठोक्किँदा एक जना घाईते
मकवानपुर । काठमाडाँैबाट हेटौँडातर्फ आउँदै गरेको सुमो र काठमाडौँतर्फ जाँदै गरेको निजी सवारी एक आपसमा ठोक्किँदा एक जना घाईते भएका छन् । फाखेलबाट युवा समाजसेवी आशबहादुर भ्लोनका अनुसार उक्त दुर्घटनामा एक जनाको हात भाँचिएको छ ।
टाटा सुमोमा सवार भएको अवस्थामा दुर्घटनामा परी हात भाँचिएका यात्रुलाई उपचारका लागि अस्पताल लगिएको बताईएको छ । बाँकी यात्रुहरुको अवस्था भने सामानय रहेको छ ।
भ्लोनका अनुसार यात्रुवहाक सुमो र हाईलेक्स गाडी दक्षिणकाली नगरपालिका वडा नम्बर ९ स्थित लामा गाउँस्थित कालिदेवी माध्यमिक विद्यालय नजिकै एकआपसमा ठोक्किएको हो । आपसमा ठोक्किएको दुबै गाडीको अगाडिका भागहरुमा क्षति समेत पुगेको छ ।
कुलेखानी फाखेल हुमाने भञ्ज्याङ रोड अन्तर्गतको उक्त सडक खण्ड फराकिलो भएता पनि सवारी चालकहरुले तिब्र गतिमा ध्यान नदिँदा सवारी दुर्घटना हुने गरेको छ ।
