हेटौँडाका १ सहित ३ जना पक्राउ
मकवानपुर । मकवानपुरको हेटौँडा उपमहानगरपालिकाका १ जनासहित ३ जनालाई सुनसरीको देवानगंज गाउँपालिका वडा नम्बर ५ मेहता टोलबाट पक्राउ गरिएको छ । उनीहरुलाई ४ सय ४० किलोग्राम अवैध लागूऔषध गाँजा , १ लाख ५० हजार भारतीय रूपयाँ र ५२ हजार नेपाली रूपैयाँसहित ३ जनालाई मंगलबार राति प्रहरीले पक्राउ गरिएको हो ।
पक्राउ पर्नेहरूमा मकवानपुरको हेटौँडा उपमहानगरपालिका वडा नम्बर १४ बस्ने २५ वर्षीय चन्द्र बहादुर पाख्रिन, मोरङ लेटाङ नगरपालिका ६ बस्ने बल बहादुर लिम्बु र सुनसरी देवानगंज गाउँपालिका–४ बस्ने ३० वर्षीय अरबिन्द पाल रहेका छन् ।
इलाका प्रहरी कार्यालय साहेबगंजबाट खटिएको प्रहरीले राजगंज सिनबारीबाट साहेबगंजतर्फ जाँदै गरेको को.१ ख ७१२३ नम्बरको मिनि ट्रकलाई जाँच गर्ने क्रममा १३ वटा बोरामा रहेको उक्त परिमाणको गाँजा फेला पारी ट्रक चालक चन्द्र बहादुर तथा ट्रकमा सवार बल बहादुर र अरबिन्दलाई पक्राउ गरेको हो ।
